Ibilaldi polita bat proposatzen dugu. Gorrontz – Olanon, lehenik eta behin, mendira garamatzan bidezidorra aurkitu behar dugu, animalien edanleku zaharraren ondoan dagoena. Han amaitzen da errepidea, eta basotik hasten da bidea.
Bide horrek, haritzen eta intxaurrondoen artean sartuko gaitu Gelbentzuraino, jende guztiarentzat egokia den ibilaldi batean. Gelbentzura iristean, ezkerrera egin eta beheranzko bideari jarraituko diogu, bidea ixten digun lursail batekin topo egin arte.
Hor bertan, ezkerrera biratuko dugu (Orgi adierazten du), eta beherantz jarraituko dugu, beste bide batekin bat egin arte; han, ezkerrera biratuko dugu, alanbre-hesia zeharkatuz. Bidean aurrera jarraitu, hurrengo bidegurutzera iritsi arte. Eskuinera egin, bideari jarraitu, errepidera iritsi arte, eta, han, eskuinera egingo dugu. Handik metro gutxira bidegurutze batera iritsiko gara. Eskuinean, Orgiko basoa, ezkerrean, Lizaso bidea.
Ezkerrera egingo dugu (Lizaso aldera) “Baltsa berdea” ikusteko, baina Orgiko bideari ekingo diogu berriro, errepidea gurutzatuz, Orgiko basoa inguratuz, eta hortik Lizasora, eta, bidea amaitzeko, Gorrontz Olanora. Han, gure autoa jasoko dugu, ibilbidea amaitutzat emanez.
Paseoaren ostean, merezi du Lizasoko Orgi jatetxe ezaguna bisitatzea. Dastatzeko menua Ultzamako onddoetan espezializatuta dago.